جوله المالكي في بغداد

اعذروني اخواني بس ما كمت اكتب بالسياسه الا لمن طكت روحي

قبل ايام طلع رئيس الوزراء نوري المالكي بالتلفزيون على اساس انه ماخذ جوله اب بغداد (عود يعني الوضع فردمره امين ) بس السؤال هوه وين جان رايح يفتر المنطقه اللي طلع بيها هيه شارع ابو نؤاس وبالتحديد لي غاد شويه من تمثال شهرزاد وشهريار زين بس اريد اسال ليش هيه هاي المنطقه بيها شي حتى صارت هسه امان شو هيه هاي المنطقه من بغداد محتركه هاي المنطقه حتى طلقه وحده ما ثارت بيها (المنطقه الخضراء عبره الشط والجهه الثانيه الكراده) اذا رئيس الوزراء صدك يكول الوضع في بغداد امين اريده يروح يدخل لحي العامل لو يروح يدخل الاعظميه يا مالكي من تروح لهيجي اماكن عود نكول الوضع في بغداد صار زين مو طالع تضحك علينه ورايح لـ ابو نؤاس
وبعدين شنو سالفت هاي الحجيه اللي تطش عليك جكليت اول شي منين جابت جيس جكليت جديد وطشته عليك وثاني شي شمدريهم انته هناك شو هيه هذيج المنطقه كل ما افوت بيها لا حس ولانفس واذا اشوف جاهل هناك الكاه كاعد يبيع بانزين
بس اكلهم للسياسين مالتنه كافي مو ذبحتونه كافي ما بقه بينه صبر كافي مو حتى بعنه اللي جوانه واللي كدامنه حتى نعوف العراق الكم كااااااااااافي رحمه لوالديكم

واعذروني اذا شفتو موضوعي بي تطاول على احد بس لانه طكت روحي من الوضع ومن الجذب مال السياسين مالتنه